Afrika: Urubyiruko rwasabwe gufata imyanzuro iboneye movie

 Yabigarutseho kuri uyu wa Gatandatu tariki ya 7 Werurwe 2026 mu gikorwa cy’ihuriro rya “Global Citizen Health Forum”.

Ni inama yari ifite insanganyamatsiko igira iti “Ubuzima bwawe, amahitamo yawe, ejo hazaza hawe”.

Yabereye muri BK Arena mu Mujyi wa Kigali ihuza abanyeshuri batandukanye bafite imyaka 15 na za 20 y’amavuko.

Yateguwe na Global Citizen ku bufatanye n’Urwego rw’Igihugu rushinzwe Iterambere (RDB), Minisiteri y’Ubuzima, Minisiteri y’Urubyiruko n’Iterambere ry’Ubuhanzi, Umuryango wa Imbuto Foundation, Umuryango wa Health Development Initiative (HDI) n’abandi bafatanyabikorwa.

Iyi nama, yari igamije guha urubyiruko amakuru nyayo ku buzima bw’imyororokere ndetse no ku mibonano mpuzabitsina, rukabitangaho ibitekerezo rwisanzuye.

Batamuliza yakomoje ku kuba urubyiruko rwamenya akamaro ko guha agaciro ibihe by’imyaka yarwo y’ubuto no kubibyaza umusaruro, rukirinda ibishuko.

Ati “Urubyiruko nirumenye, rwimenye, rumenye amahirwe rufite uyu munsi kuba ari urubyiruko muri 2026 bivuze iki kuri wowe, amahirwe ahari ni ayahe muri iki gihugu nk’urubyiruko. Kuko hari igihe kizagera nyine bakaba batakiri muri iyo myaka y’urubyiruko”.

Yakomeje ati “Amahitamo bakora uyu munsi ni yo azakomeza kubaherekeza kugeza muri bya byiciro tuvuga … babaye abantu bakuru baruzukuruje na bo. Bafite byinshi by’ibishuko bibakurura, nibabyishinga icyerekezo cyabo bazaba bakiganisha hehe? Ntabwo wamenya aho ukiganisha rero [utimenye]”.

Yanagaragaje ko urubyiruko ruhura n’ikibazo cyo kubura ahantu hatekanye ho kubonera amakuru y’ukuri, ibituma bishingikiriza ayo bakura ku mbuga nkoranyambaga n’ahandi hatizewe bikabayobya.

Batamuliza yavuze ko ihuriro nk’iri ari ryiza ku rubyiruko kuko ribaha ayo makuru yizewe bakunze kubura bityo bagafata imyanzuro iboneye ku buzima bwabo n’ubw’urukundo.

Iyi nama yanitabiriwe n’umuhanzi Kivumbi King wasusurukije abari bayitabiriye.

Iyi nama ni kimwe mu bikorwa bya gahunda ya Move Afrika yatangijwe n’umuryango Global Citizen igamije guteza imbere ubukungu bushingiye ku buhanzi ndetse ikanahanga imirimo binyuze mu mu bikorwa by’umuziki ku mugabane wa Afurika.

Umuyobozi wa Global Citizen muri Afurika, Ifeoma Chuks-Aduzeo, yashimiye u Rwanda ku ruhare rwarwo mu gushyigikira iki gikorwa. 

Ati “Turashimira u Rwanda rukomeza gufasha Move Afrika kugera ku buzima bw’abantu.”

Kuva Move Afrika yatangira mu 2023, imaze guhangira no guha imirimo ababarirwa muri 2500. Uyu mubare uziyongera bijyanye n’uko izagenda igera mu bihugu byinshi bya Afurika.

Igitaramo cy’uyu mwaka cya Move Afrika kizaba kirimo abahanzi batandukanye barangajwe imbere na rurangiranwa mu muziki ku Isi, Doja Cat, nk’uko byamaze gutangazwa. Kizabera i Kigali ku wa 17 Werurwe mbere y’uko yerekeza muri Pretoria ku wa 20 Werurwe 2026.